من وحي كورونا
ولحد امتى
ولحد امتى
هنفضل متكممين
ماشيين في الشوارع والحواري
خايفين
لا سلام ولا كلام
كأننا متغربين
فاتت علينا سنة
كأنها من حزننا عشرات السنين
حتى الحبايب بعدوا
واحنا مش حاسين
ماشيين في سكة سفر بعيدة
زي المسحورين
نسينا كل حاجة حلوة كنا فيها عايشين
ولحد امتى هانفضل متكممين
ومتعقمين
وخايفين
ومرعوبين
زي اللي عامل عملة
وبرضه مش خالصين
سلالة تجيب سلالة
قاعدين نستنى الباقي
فقرا ولا أغنيا
ولا حتى سلاطين
كبيرنا زي صغيرنا
لاكان لنا في التور ولا في الطحين
ولو لقحونا برضه قالوا لنا احنا مش ضامنين
تاهت دروبنا
وبعدنا عن سكتنا
والقلوب زي الحجارة
قاسية
وبرضه مش فاهمين
افتح باب للمحبة
ومتنساش إن أصلك طين
يا ابن آدم وحوا
اتعظ
وابعد عن الشر
وغني له
يمكن نرجع حلوين
طه هيكل
ليست هناك تعليقات:
إرسال تعليق